ديوان الشاعر تركي بن نايض بن جويبر الدبياني

[فهد بن جويبر]

خاسر الطامع ولا يلقـى مــراده = قدمه الموت الاحمررحـب وهــلا

وعــذابه يــوم دفتــه الــقـراده = بـاع نـفسـه للــخطر لا والـله الا

قدمه رجـالٍ بها عــزم وجـلاده = الـــوطن تفــداه دونـــه ماتـــخلا

الشجاعه والحماس وخير قــاده = ومـعنــويه عــانقة نــجمٍ تــعـلا

البواسل موت مـن زايـد عنـاده = يلطمون اللي عــن حدوده يــزلا

جيـش متكامل ولايبـغى زيــاده = اشـــهد انـه درع وحســامٍ يسـلا

زلـزل العدوان من قـوة عتـاده = الــعدو قـــلبه من الـرهبـه تمــلا

حامي الحد الجـنوبي بحتـشاده = عــز دولــه مـسلـمٍ كـبر وصــلا

الجبل دخان من فـوقه ســواده = مــن تـــلوا فـيه عـن دنياه والا

انهزم حوثي بعد شاف النكاده = انحــشرمــابــين خـــوبه والمكلا

ورطه من يدعمه خاين بـلاده = وانـكب نـكبه مــن الــحد المـطلا

المخازن دمرت راحت رماده = وانقطع تمـــويل حـاقـد فـيه غــلا

من نوى بالشر يلزمنا جــهاده = يـتراجع غصب وعــيونه تــحلا

نرخص الارواح لديارالـعباده = بســـم ربــي نـــتكل عــزا وجــلا

نصر لاغيرالنصرولاالشهاده = مــوت عــــز ولامـمـات فــيه ذلا

[فهد بن جويبر]

انصحك ياللـي تشـكي الـحال لناس= خسران من يشـكي علـى الــناس حــاله

محـدٍ بــداري عنك لوقلت مـحتاس= مــن طــــاح مـــن بــلواه مـحدٍ عـــدالــه

لاتشرح ظروفـك علـى كل هـلاس= اللــــي عـــــن الازم ســــريـــع ٍ زوالـــه

لوقال في وجهك عسى مايجي باس= لــو كــان تصــفق فــي يمـيـنه شـمالـه

منته محصل منه ياغير الافــلاس = مـــا يـنـفــعــك بــــرق ٍ خفــــيفٍ خــياله

لاصارفـي قلـبك مــن الوقـت هوجـاس = اصـبر مـــادام الـوقـت شـاين اقبـالـه

وشكـواك ياشـاكي علـى رب الاجنـاس = عـــون العــباد الــيا بغيــت السهـاله

[فهد بن جويبر]

هذه القصيده قالها شاعرنا عندما أقامت قبيلة الدبيايين حفل بمناسبة تعيين محمد بن مساعد البحيثي شيخً لشمل قبيلة بني جابر خلفاً لوالده رحمه الله
--------------------------------------
ابدي بـذكـر الله رب المصـلـين = الخــالـــق الـــرزاق راع الــجـزايــــل


الـوالـي العـالي حكيم الحـكيمـين = بامره يهل مـن السحـايب همــايــــل

يوم اربعاء موافق ثلاثـه وعـشرين = من شـهرذا القـعده نزف المثـايـل

يامرحـبا يـامـرحبــا بـالحـشيمين = يامرحبا تــرحيـــب وافـــي خصايل

ترحيب احلى من رحـيق الـبساتين = واصــفى بلونه من بروق المخايل

واغـلا من كنوز الذهب والملايين = يضفي على اللي حاضرمن القبايـــل

احضوركـم يــاربعنــا يامــسمين = عـــيد مــن الاعــياد ياهـل الحمايـــل

الصف واحدلاحــشى مـاهــواثنين = روح التـــكاتف عـــز والشـك زايـــل

يــالاد عيــسى لـوكتــبنا دواوين = لـــو يكـتب الشــاعر بشتـى الـوسايـل

قليل فيكــم يـاالرجال السلاطيـن = ياهـل الوفـــاء ومـعدلــة كـل مــايـــل

كـسابة الـعلياء كعـام المعادين = تشهـــــد لــكم كـــــل الــعرب بالـفعايـل

ابطيبكم تـرجح جميع الـموازين = تـاريخـكم حــــاوي خيــار الــدلايــــل

ولاننقص حقـوق القبــايل ووافين = كلـن واخـذ قسمـــه ولطيــب طايــل

وهــذا محـمد نــعم والله ونعمين = لشــمل شيـــخ ونـايل الطيــب نايــل

رجال كـفو ومـن رجـال نقــيين = يمشي عـــلى نــهج الـجــدود الاوايــل

عساالسعدقدمك ياطلق الحجاجين = واهـل الحـسد تلبس ثـياب الفشايل

يقولها شـاعـر وربعه دبــايـيـن = اللـي لـــــهم تــاريـخ مــاهـــو بــزايـل

تـرحيـبهم بالـقوم خـير الـبراهين = وغصب المطيري ناطق الحق قايــــل

وايشوش راسي وفتخربالشجيعين = عـــز الـرفـيق وشــرلاعــال عـايـل

وعلى النبي صلو خيـار النبـيـين = شـفيـع الامــه يـوم وقـــت الهــوايـــل
--------------------------------------

[فهد بن جويبر]

هذي قصيده تعبر عن مايحدث في المجتمع ومايعاني منه الكثير فالوقت الحالي

	يامحـلا الدلـه ليـا بـان مابـان = ياطيـــــبها طيبـاه وقـــت المغـــــابيـش لاعج ريح ابهارها يجلا الاحـزان = وينادي الطـــرقي بعيـد المطاريـش امحكمه تحكيم مـن بـال نشطـان = ماحـــافهـا راع اليديـن المــــرابيـش ايحوفها اللي يرغب الكيـف فنـان = يطرب لها لاصار فالجوء تشويـش تبعد هواجيسٍ لها القلـب مسكـان = اللي تـداحم به سـوات المعاطيـش فنجالها يجلا ونس كـل ضرمـان = يـرفع مزاج وينعــش البـال تنعيــــش يبعدك عن جو ٍبـه اليـوم يافـلان = يحتار به راع العقل قوللـي ويـش كيف القرايب راحو اليوم عـدوان = وصار اللحم بين القرايب عراميش صار الردى من بين الادنين عنوان = الطيب ضاع ولحق ركابةالجيـش بان الجفا والبغض شوفٍ بالاعيـان=والناس صارت من بعضهامواحيش والحسد وعلوم لها اشكال والـوان = مــنهـا يحـــــرك للمشـــاكـل نواتيـش الناس خفت واصبحت مالها اوزان = قــــام الهــــوى يلعبهـاكنهــــاالريـش اتجيك مندفعه على غيـر برهـان = ابليس يسقيها وتا هت من الطيـش عزي لمــن باع الثمينـه بخسـران = ماينفعــــونـه دافـــــعيـن البخــــاشـيـش

[فهد بن جويبر]

النصيحه

سميـت بالخـلاق منشـي الغمامـي=الواحـد القهـار عـلام الاســرار

ومن بعـد ذكـر الله بدايـة كلامـي=ابيات شعر جات مـن قلـب بيطـار

نصـايـح للمستـمـع ذا مـرامـي=موضحه توضيح فأبيـات الاشعـار

محكمـه تحكيـم لاجـل الكـرامـي=تشمل معاني تصحي صغـار وكبـار

تعـرف مقاصدهـا قلـوب الفهامـي=اللي تعـرف الطايـره دون تكـرار

ماهي قلوب (ن)مـن جهلهـا نيامـي=تتعبك ماتعرف وش يميـن ويسـار

غطا عليهـا بليـس شيـن الرسامـي=خلاها موتا قلوب من بيـن الاخيـار

يانايم اصحا شـوف درب النظامـي=خلك مع المرسـوم مايلحقـك عـار

كمل حقـوق الله صـلاة وصيامـي=وأد الزكـاة ولاتهيـبـك الاسـعـار

والوالديـن اخلصلـهـم باهتمـامـي=خلك لهم مطواع فـي كـل الاشـوار

ياما اسهرو وانتـه بسـن الفطامـي=واليوم جاء دورك وخلـك لهـم بـار

والجـد قـدره قدرهـم بالتمـامـي=حطه بجـوف القلـب والوقـت دوار

خلك جمـل لثقـل قاسـي عظامـي=خلك علـى الشـدات جبـار صبـار

ويضـا خوالـك وانتبـه للعمـامـي=انـت البناخـي يمـك أدار الانظـار

بيـن لهـم طيبـك بكـل احترامـي=اصحا تغير مـع غريبيـن الاطـوار

وصل القرابـة لايصيـر انقسامـي=حذر المحبـه بيـن الاقـراب تنهـار

وربعك عضودك عند وقت اصدامـي=حصنا منيع إن كان بعض البلاء صار

رجـلا بليـا ربـع حالـه عدامـي=يصبـح ذليـل تايـه بيـن الاقطـار

وقـوم تخالـف رايهـا مـا يسامـي=تصبح ضحيه بيـن طامـع وهـذار

ماحد عن الـزلات ظنـي عصامـي=زلات ربعك حط من دونهـا استـار

ادمـح لهـا الزلـه وحـذرا توامـي=ولايندم اللي حطهـا بيـن الاسـوار

وجرب خويك فالرخـاء والزحامـي=ايبين لـك وش داخلـه دون تحتـار

اعـرف خويـك نـور ولاظلامـي=حده على الشدات مـع كـل مشـوار

لـولا الشدايـد والأمـور العظامـي=كـان الأوادم مـا بهـا واحـد بـار

ما ينطح القـالات رخـو الحزامـي=ولايرتوي من يرد وحبالـه قصـار

عليك فـي هـداج غيـث الظوامـي=وخل الرسوس اللي عليها الزمن جـار

ومن يتبـع المقفـي عليـه الملامـي=أبعد وتلقى مع هـل الطيـب مقـدار

ويازارع الصبخـه عليـك السلامـي=ماتنبت الصبخـه بحلـوات الاثمـار

الجـار لـه مقـدار يامـي وشامـي=من دونه ا ركد راسي مثـل سنجـار

الجـار صونـه وانتبـه لايضامـي=الله رب البيت وصـى علـى الجـار

والضيف رحبه ولـو كنـت ظامـي=الضيف حقـه حـق ماتنفـع اعـذار

حلـو النبـا راس القـرا والسنامـي=وصفر الدلال اللي بها الكيـف ينـدار

وراس السمينه واجتمـاع الحشامـي=وجزل العلوم وسمر تشعم بـه النـار

طبع الكرم سلـم العـرب ياسلامـي=والله كريـم وللجزيـلات مـصـدار

والبخل مـا يبنـي وسـاس الهدامـي=ذكر الشحوح يموت من بين الأذكـار

قـدر البخيـل يطيـح مالـه مقامـي=كلـن يجنـب عنـه ميجيـه خطـار

وياك ويـا الكبـر طبـع الخمامـي=انته ترى مخلوق من تـرب وغبـار

والمن يمحـي مـا يخلـي جرامـي=اليا عطيت اقصد بهـا رب الابـرا ر

وحذر من الغيبـه دروب(ن)هلامـي=لاتصير بعروض المخاليـق جـزار

وجنب عن هـل النمنمـه والحرامـي=وأهل النقيلـي مالهـم عندنـا كـار

الله وأكبـر مـا طيـب الإستقامـي=أبعد عن اللي مشيها جـوف محـدار

اللـي قـرب للهيـم لازم يهـامـي=وبعدك عن انذال البشر عـز ووقـار

والظـن لاترميـه يــم السـوامـي=خلك نظيف القلب في سـر وجهـار

والهـرج كثـره يوقعـك بالندامـي=ماكل هرج يقال مـن بيـن الاخبـار

ولاكل علم يجيـك سرعـه شمامـي=اتصدقه والأصل مـن راس ثرثـار

وللي فعلـك طيـب فـازع وحامـي=جازه على طيبـه ولاتصيـر نكـار

دون الخـوي لاتلتـوي يالقطـامـي=خلك حمي والرجل في ما قفـه حـار

والصلـح يبديبـه بعيـد المـرامـي=ماجور يدرى العاقبـه للخطـا ثـار

والحـق حـده مثـل حـد الحسامـي=يقطع مشاكل يرضي اثنيـن حضـار

والمـال لوانـه كـبـار القعـامـي=لايغيرك وتقـول أنـا معـي دينـار

المـال مايبقـى لــدوم الـدوامـي=مايخش معك بحفرتن مابهـا انـوار

ودنيـاك ماتثبـت وفيهـا ابترامـي=توريك ماتكـره وتسقيـك الأمـرار

صبرك عليها صبـر راع السقامـي=رجاك بـالي خالق(ن) بـر وبحـار

اللي بغـاء العليـاء مشـى للأمامـي=والآدمي يمشـي بتصريـف الاقـدار

القاف شاب وحـان وقـت الختامـي=صلو على محمد عدد هـل الامطـار

[راكان الحربي]

هذه القصيده قالها الشاعر في حفل تنصيب الشيخ محمد بن مساعد شيخ ٍ لشمل قبايل بني جابر

دوب اســــتوى لـشـعر صـدق التعابيـر=وقــــامت بـــيوته تـعتزي فـي لـحنها

يـــستنزف الــطاقات مـن دون تـاخيـر =والــــغاليه مـــن بــــحرها يـحتضنهـا

تــــلاقح افــكــاره ومــنــتوجـهــا غـير =اصـــل الـجزالــه مــصدر الطيب منها

قــــد مه تـداحــم فــارقـه بـالتـصـاوير =وضـــح ٍتــــلاهـــق غـــاليه في ثمنها

يـســـوقهـا اللــــي مــعه حكـمه وتـدبير=يــــطــوع الصـــعبه وتتــــبع رســنها

عنــــد الــمواقـف مــــاتصـح المـعـاذير=صــدق الــثمينه خــــاسر الـلي ركنها

يــــامــرحـبا بــــسم الـرجـال الـمنـاعير=اللــي لهـــا تــاريــخ يــشــهد زمــنها

تـــرحيــب غالــي فــيه حـشمه وتــقدير=يــــضفي ويـــقـرن شـامها مع يمنها

يــضفي مثــل غـــر الـمزون الـمزابـير =اللــي تـــلوح بــــروقـــها فــي قـننها

فــــيه المــــحبه والمــشاعر مــقــاطـير=اصــدق مـن دموع الغريب لــوطـنها

لـــــيله عــــظيــمه والــملامـح تــباشير=ليـــله وكــن الــشمس كــامل بــدنـها

الـــــجمع مــبهج سوره الــعز والخير =بــــث الفرح و جوف القلوب وقطنها

حضورالشيوخ اهل الـفعول المصاطير =لــــه هيــــبته واهــل الضغاين غبنها

تــــشريفـكم يـاروس حـــرب المغاوير =اسمـا المعــاني مـع بعـــضها قـــرنها

الـــشعر ياقــف قــدمكم غصب ويحيـر =وليــــا بــدا فـــي مـدحـكم مالـه انـها

شيــــخٍ دعــــــاكم مــاتــجيه الـعواثيـر=يســـــلـم وقـــدام الــــجميـع اعلـــنهـا

اشــــهد شـــهاده مـا يـهاب الـمخاسير=عـــند الـــــوازم قـــدرتـــه مــاخـزنها

لـــه هـــيبته شــامخ جــبل كــنه الـنير=حــــربٍ تفــاخربــه وكـاسـب رهـــنها

وربـــعه بنــي جـــابــر سيوفٍ بواتير =مــــنها الـــــعدا تــكسر ويــكثرطعنـها

وقـــفــــاتهم تـــحتــار فيــها الــتفاكير=تـــــجلى عــن النفس الحزينه حزنــها

ولي الفخر في حرب حرب المشاهيـر=يـــاكــثر مــــاقالــو مـن الطيب عنـهــا

اهــــل ا لـــكرم ومـــفرقين الـطوابـير=لاثـــارت الـــهيــجا وثــــور دخـــنهــا

عــز الــخوي والجار دون المظاهـير =تــــثــني وتـــامــر مــن طـناخه وتنهـا

هــــم عـون لـــلي غــربلته الــمقادير=ومــــلجا الــدخيل وفزعة اللـي زبـنها

والضيــف لــه قــيمه وله زود تـوقير=لــــه حشــمته واعلى المنازل سـكنـها

يثنـــى لـــه الـــترحيب قــدم المباهير=وبيــض الصـــياني فـــوقها مـاشـحنها

سلـــوم نـــتوارثها مـن كبـير لصغيـر=لنـــا الشـــرف مـــهنـة فــخر نمتـهنها

تاريـــخـنا حـــاوي لــلامـجاد ومـنـير=ونــــعم القــــبايــل مـــجدنــا مــادفـنها

وصــــلاة ربــــي عـد نبت النواويــر=وعـــداد مـــن صــاغ البـــيوت وزنـهـا